Իսրայելի նախկին վարչապետ Արիել Շարոնը վախճանվել է։ Անցած կիրակի նախկին վարչապետի բուժող բժիշկ Զեեւ Ռոտշտեյնը հայտարարել էր, որ Շարոնի վիճակը կտրուկ վատթարացել է եւ որ, ամենայն հավանականությամբ, նա չի կարող դիմակայել ներկա ճգնաժամին։ Նա նշել էր, որ Շարոնը մի քանի օրվա կյանք ունի։
Արիել Շարոնի առողջական վիճակի կտրուկ վատթարացման մասին հայտնի էր դարձել հունվարի 1-ին։
Հաջորդ օրը նախկին վարչապետին բուժող բժիշկ Զեեւ Ռոտշտեյնը հայտարարել էր, որ Շարոնը ծայրահեղ ծանր վիճակում է՝ միանգամից մի քանի կենսական կարեւոր օրգանների չգործելու պատճառով:
Շարոնը կոմայի մեջ էր վերջին ութ տարիներին: 2006թ. հունվարի 4-ին նա ուժեղ կաթված էր ստացել, որից հետո կոմայի մեջ էր մինչ օրս:
