Փետրվարի 10-ի ցերեկը Ադրբեջանի տարածքում ուժեղ երկրաշարժ է գրանցվել:
Ադրբեջանի լրատվամիջոցները հայտնում են, որ 5,4 մագնիտուդով ստորերկրյա ցնցումը գրանցվել է Շամախի շրջանում: Երկրաշարժն զգացվել է նաեւ մայրաքաղաք Բաքվում:
Փետրվարի 10-ին, ժամը 16.06-ին ՀՀ ԱԻՆ ՍՊԾ-ի սեյսմոլոգիական ցանցի կողմից գրանցվել է 5,3 մագնիտուդով երկրաշարժ Ադրբեջանի Հանրապետության տարածքում ՝ Շամախի քաղաքից 28կմ հարավ-արեւելք, որի ուժգնությունը էպիկենտրոնային գոտում կազմել է 7 բալ:
Էպիկենտրոնի աշխարհագրական կոորդինատներն են՝ հյուսիսային լայնության 40.45 աստիճան եւ արեւելյան երկայնության 48.88 աստիճան:
Երկրաշարժի հիպոկենտրոնը գտնվում է 50 կմ խորության վրա:
Երկրաշարժը զգացվել է ՀՀ Սյունիքի մարզի եւ ԼՂՀ մի շարք բնակավայրերում 3-4 բալ ուժգնությամբ: