Արտագաղթն իրականում Հայաստանի ամենացավոտ եւ սուր խնդիրն է։ Այս մասին փետրվարի 15-ին ԵԿՄ համագումարի ընթացքում հայտարարել է Հայաստանի նախագահ Սերժ Սարգսյանը՝ պատասխանելով պատվիրակների հարցերին։
Ըստ նախագահի՝ ներկայումս արտագաղթը դանդաղել է եւ աստիճանաբար վերածվում է մեր քաղաքացիների տունդարձի գործընթացի։ 2013թ. տվյալով, ինչպես նշել է նա, բացասական տարբերությունը կրճատվել է 25%-ով եւ կազմում է մոտ 31 հազ. մարդ։ «Իհարկե, սա եւս մեծ թիվ է մեզ համար, քանի որ մենք ընդամենը 3 միլիոն ենք կազմում։ Թող ինչ-որ մեկին չթվա, թե արտագաղթի խնդիրն իրեն ավելի է անհանգստացնում, քան ինձ։
Բայց մյուս կողմից ես չեմ ընդունում քաղաքական նպատակներով այդ խնդրի շահարկումը: Բոլորին հասկանալի պետք է լինի, որ խնդիրը չի դադարում խնդիր լինելուց, եթե դրա մասին դադարում են խոսել», - նկատել է Սերժ Սարգսյանը՝ ընդգծելով, որ խնդիրները լացով, շարարկումներով չեն լուծվում, այլ լուծվում են աշխատանքով:
