Ուկրաինայում ճգնաժամից դուրս գալու ուղին կարող է լինել արտահերթ խորհրդարանական ու նախագահական ընտրությունների նշանակումը: Այս մասին NEWS.am-ի թղթակցի հետ զրույցում հայտարարել է ուկրաինացի քաղաքագետ Մաքսիմ Ցարենկոն:

Ըստ նրա՝ այս դեպքում խոսքը չի կարող լինել իշխանական կառույցների մեխանիկական վերափոխման մասին, այլ ամբողջ կառույցը վերագործարկելու:

Նշենք, որ Կիեւում շարունակվում են կատաղի բախումները ցուցարարների ու ՆԳՆ ուժայինների միջեւ: Դրանց զոհ է դարձել արդեն երեսուն մարդ, այդ թվում՝ տաս ոստիկան: