Լոնդոնի ազգային պատկերասրահի տնօրեն Նիկոլաս Պենին Բրիտանական թանգարանում գտնվող պարթենոնի մարմարե գլուխգործոցների առթիվ Մեծ Բրիտանիայի եւ Հունաստանի միջեւ բազմադարյա վեճի ինքնատիպ հանգուցալուծում է առաջարկում: Նա կարծում է, որ դրանք կարելի է կիսել Լոնդոնի եւ Աթենքի միջեւ, եթե Հունաստանը հետ կանգնի ХIХ դարում Օսմանյան կայսրությունում Անգլիայի դեսպան Լորդ Էլգինի՝ Բրիտանիա տեղափոխած բոլոր քանդակները վերադարձնելու պահանջից:
«Ես չեմ կարծում, թե Էլգինի մարմարները վերադարձնելը լավ քայլ կլինի, սակայն կարծում եմ, որ Բրիտանական թանգարանը պատրաստ կլինի կիսել դրանք՝ պայմանով, որ դրանց իրական պատկանելության հարցը կպչուն գաղափար չի դառնա»,- Պենիի խոսքերն է փոխանցում ԻՏԱՌ-ՏԱՍՍ-ը՝ վկայակոչելով հունական մամուլը:
«Վերադարձնելը զգացմունքային միֆ է, գաղափար, թե կարելի է ժամացույցի սլաքը թարս պտտել»,- հավելել է Պենին:
Հունական իշխանություններն առայժմ չեն արձագանքել առաջարկին: