«Օսկար» մրցանակաբաշխությունը հեռարձակելիս ռուսական «Առաջին ալիքը» կտրել հանել է Ուկրաինայի եւ Վենեսուելայի մասին դերասան Ջարեդ Լետոյի խոսքերը, հայտնում է «Դոժդ» հեռուստաալիքը:
Ջարեդ Լետոն «Օսկարը» «Գնորդների դալլասյան ակումբ» ֆիլմում երկրորդ պլանում տղամարդու լավագույն դերի համար էր ստացել: Նա իր խոսքում զորակցություն էր հայտնել Ուկրաինայի եւ Վենեսուելայի ազատության մարտիկներին:
Նշենք, «Առաջին ալիքով» ուղիղ հեռարձակումը չեղարկվել էր: Հեռուստաալիքը դա հիմնավորել էր Ուկրաինայի ճգնաժամի լուսաբանման առաջնահերթությամբ:
