Երեւան-Ապարան ավտոճանապարհը փակ է: Այս մասին NEWS.am-ը տեղեկանում է «Նախախորհրդարանի» ֆեյսբուքյան էջից:
Ուշի, Օհանավան, Արտաշավան, Կարբի, Սաղմոսավան, Երզնկա, Եղվարդի մի մասը բնակիչները պահանջում են դադարեցնել ՀԷԿ-ի կառուցումը Ապարանի ջրամբարի մոտ: Քիչ առաջ բողոքող գյուղացիների մոտ եկավ Արագածոտնի մարզպետ Սարգիս Սահակյանը: Նա համոզում էր գյուղացիներին, թե կասեցված է ՀԷԿ-ի շինարարությունը, մինչդեռ նրանք փաստում են, որ նոր խողովակներ են բերվել: «Նախախորհրդարանից» տեղեկանում ենք, որ մարզպետը գլխիկոր հեռացել է: