Հայաստանում հարգել են 2011-ի մարտի 11-ին Ճապոնիայում տեղի ունեցած ցունամիի զոհերի հիշատակը (ֆոտոռեպորտաժ):
Հանդիսավոր արարողությունը կայացել է այսօր առավոտյան՝ ԱԻՆ-ում: Ծաղիկներ դնելուց հետո ներկաները մեկ րոպե լռությամբ հարգել ենտարերային աղետի տասնյակ հազարավոր զոհերի հիշատակը:
«Հայաստանը միշտ էլ զգացել է Ճապոնիայի աջակցությունը եւ ցանկանում ենք ԱԻՆ-ի բոլոր աշխատակիցների անունից շնորհակալություն հայտնել: Մենք նաեւ ցանկանում ենք ընդգծել, որ դժվար պահին եղել ենք ու կլինենք կողք կողքի»,-ընդգծել է փրկարար ծառայության պետի տեղակալ Նիկոլայ Գրիգորյանը, հիշեցնելով, որ աղետից հետո հենց առաջին օրերին Հայաստանի ԱԻՆ-ը պատրաստակամություն է հայտնել օգնության հասնելու, իսկ երկրի կառավարությունը ֆինանսական աջակցություն է տրամադրել:
Լրագրողների հետ զրույցում ԱԻ նախարար Արմեն Երիցյանը նշել է, որ Հայաստանի ու Ճապոնիայի ԱԻՆ-ները բարեհաջող զարգացնում են համագործակցությունը: