Kia-ն Հարավային Կորեայի ավտոմեքենաների շուկայում սկսել է Soul EV էլեկտրական մեքենայի վաճառքը
Մասնագետները նոր մոդելը բնութագրում են որպես հեռու տարածություններ հաղթահարելու ունակ մեքենա, որը շահագործման հուսալի բնութագիր ունի: Հաղորդվում է, որ ավտոմեքենան ոչնչով չի զիջում բենզինային շարժիչով մոդելներին:
Առավելագույն հեռավորությունը, որն ընդունակ է հաղթահարել լիարժեք լիցքավորված ավտոմեքենան, 148 կմ-ն է: Soul EV-ի ուժակուտակչի լիցքավորումը կարող է տեղի ունենալ երկու ռեժիմով՝ դանդաղ (մինչեւ 4,5 ժամ) եւ արագ (24-33 րոպե):
Kia Soul EV էլեկտրամեքենայի արժեքը սկսում է 39 400 դոլարից: Փաստացի, գնորդը ընդամենը արժեքի 50 %-ն է վճարում, երկրորդ մասը մարում է պետությունը, հայտնում է AVTOBIZON.RU-ն: