Ղրիմում ամփոփել են հանրաքվեի արդյունքները: Այս մասին հաղորդում է «ԻՏԱՌ-ՏԱՍՍ»-ը՝ վկայակոչելով «Ղրիմ» հեռուստառադիոընկերությունը: Հաղորդվում է, որ ըստ պաշտոնական տվյալների՝ քվեարկությանը մասնակցել է ընտրողների 82,71 տոկոսը:
Քվեարկության մասնակցածների 96,6 տոկոսը կողմ են արտահայտվել Ռուսաստանին միանալուն: Նման արդյունքներ է ներկայացրել Ղրիմի խորհրդարանի քվեարկության կազմակերպման հարցերով հանձնաժողովի նախագահ Միխայիլ Մալիշեւը: Տվյալները չեն ներառում Սեւաստոպոլի արդյունքները, որն ունի քաղաք-պետության կարգավիճակ ու ձեւականորեն ՂԻՀ կազմում ներառված չէ: