Հայաստանի ԱԻՆ-ում, այսօր՝ մարտի 22-ին, ժամը 05.22-ին ահազանգ է ստացվել, որ Երեւանի Մյասիկյան պողոտայում՝ «Բելաջիո» ռեստորանային համալիրի մոտակայքում, տեղի է ունեցել ավտովթար, կան տուժածներ, ավտոմեքենայից առկա է գազի արտահոսք. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում «Ֆոլքսվագեն» մակնիշի 33 VS 209 համարանիշի ավտոմեքենան (վարորդ՝ 24-ամյա Լիլիթ Ումուջյան), դուրս է եկել երթեւեկելի հատվածից եւ բախվել էլ. սյանը:
Վարորդը եւ ուղեւոր 32-ամյա Ա. Խ.-ն (Իրանի Իսլամական հանրապետության քաղաքացի) տարբեր աստիճանի մարմնական վնասվածքներով հոպիտալացվել են թիվ 1 կլինիկական հիվանդանոց:
Բժիշկները տուժածների առողջական վիճակը գնահատել են միջին ծանրության:
Հրշեջ-փրկարարները դադարեցրել են գազի արտահոսքը, փակել գազի փականը եւ կատարել են ճանապարհի լվացման աշխատանքներ:
