Ուկրաինան իր երկրի քաղաքացի է ճանաչում բոլոր ղրիմցիներին, որոնք ռուսական անձնագրեր կստանան: Այս մասին «Ազատություն» ռադիոկայանին տված հարցազրույցում ասել է Ուկրաինայի կառավարության անդամ Օստապ Սեմերակը, հաղորդում է Censor.net-ը:
«Ուկրաինայի քաղաքացիները, որոնք հարկադրաբար ստիպված կլինեն ռուսական անձնագրեր ստանալ, կմնան Ուկրաինայի քաղաքացիներ: Դա որոշակիորեն հակասում է Ուկրաինայի օրենսդրությանը, քանի որ Ուկրաինան չի ճանաչում երկքաղաքացիություն, բայց այդ տարածքում հարկադրանքի ենթարկված Ուկրաինայի քաղաքացիների դեպքում հարեւան երկրի անձնագրերը մենք չենք ճանաչում»,-ասել է Սեմերակը:
