Վրաստանի գլխավոր դատախազությունը մտադիր է որպես վկա հարցաքննել երկրի նախկին նախագահ Միխայիլ Սահակաշվիլիին՝ մի քանի քրեական գործերով, այդ թվում նախկին վարչապետ Զուրաբ Ժվանիայի մահվան գործով:
Այսօր՝ մարտի 22-ին, հրապարակված հայտարարությունում գլխավոր դատախազությունը թվարկել է մինչեւ 10 քրեական գործեր, որոցով Սահակաշվիլին պետք է հարցաքննվի որպես վկա, հաղորդում են լրատվամիջոցները:
Նախորդ տարվա նոյեմբերից Սահակաշվիլին լքել է Վրաստանը եւ ժամանակավորապես բնակություն հաստատել ԱՄՆ-ում, որտեղ դասավանդում է համալսարաններում: