Թեեւ Հայաստանի կոմունիստական կուսակցությունը անհաշտ ընդդիմություն է, այնուամենայնիվ նպատակահարմար չի համարում խանգարել նախագահին Մաքսային միություն մտնելու պատմական քայլը իրագործելիս: Այս մասին մարտի 25—ի մամուլի ասուլիսում հայտարարել է Կոմկուսի Կենտկոմի առաջին քարտուղար Տաճատ Սարգսյանը:
Ըստ նրա՝ դրանով կլուծվի Հայաստանի անվտանգության ապահովման խնդիրը, կվերականգնվեն նախկին տնտեսական կապերը, միասնական տնտեսական տարածքը կընդլայնվի: «Հայաստանի Կոմկուսը անում է հնարավորը, որպեսզի երկիրը շուտափույթ մտնի Մաքսային միություն», - ընդգծել է Տաճատ Սարգսյանը:
Հիշեցնենք, Հայաստանը ՄՄ-ին անդամակցելու պատրաստակամություն էր հայտնել նախորդ տարվա սեպտեմբերի 3-ին, անդամակցության ճանապարհային քարտեսը ստորագրվել էր 2013թ. դեկտեմբերի 24-ին: Մաքսային միություն մտնելու նախնական ժամկետ է նշանակված մայիսը: