Սահմանադրական դատարանի որոշումը կնպաստի Հայաստանի իրավական համակարգի զարգացմանը: Այս մասին այսօր կայացած ճեպազրույցի ժամանակ հայտարարել է արդարադատության նախարար Հրայր Թովմասյանը՝ անդրադառնալով «Կուտակային կենսաթոշակների մասին» ՍԴ որոշմանը:
Նախարարը հավաստիացրել է, որ որոշումը կնպաստի երկրում սոցիալական զարգացմանը: Ըստ նրա՝ գործընթացն ամբողջությամբ ցույց է տվել, որ քաղաքական դաշտը զարգացման որոշակի բրձր մակարդակ է ցուցադրել, իսկ քաղաքացիական հասարակությունը պատրաստակամություն է հայտնել իր իրավունքները սահմանադրական ճանապարհով պաշտպանելու:
