Հանրապետական, ՀՀԿ համամասնական ընտրացուցակի 113-րդ հորիզոնականը զբաղեցնող Լեռնիկ Ալեքսանյանը այսօր՝ ապրիլի 18-ին կրկին պատգամավորի մանդատ կստանա:
Կենտրոնական ընտրական հանձնաժողովի մամուլի քարտուղար Հերմինե Հարությունյանը NEWS.am-ին հայտնեց, որ ԿԸՀ վարչական շենքում այսօր կգումարվի հանձնաժողովի հերթական նիստ, որի ընթացքում կկազմվի արձանագրություն` Ազգային ժողովի համամասնական ընտրակարգով Հայաստանի Հանրապետական կուսակցության ընտրական ցուցակից ընտրված և լիազորությունները վաղաժամկետ դադարած պատգամավորի մանդատը կուսակցության ընտրական ցուցակի հերթական հաջորդ թեկնածուին տալու վերաբերյալ:
Դադարեցվել են Հովիկ Աբրահամյանի լիազորությունները՝ վարչապետ նշանակվելու կապակցությամբ:
Ավելի վաղ Լեռնիկ Ալեքսանյանը NEWS.am-ի թղթակցի հետ զրույցում նշել էր, որ մանդատից հրաժարվելու դիմում չի գրելու եւ, ըստ երեւույթին, պատգամավոր կդառնա:
Լեռնիկ Ալեքսանյանը պատգամավոր է եղել 1998-ից 2012 թվականները:
