Բրազիլական Նիտերոյ քաղաքում, Ռիո-դե-Ժանեյրոյից ոչ հեռու, անկարգություններ են եղել, որոնց ընթացքում ամբոխն այրել է մի քանի մեքենաներ:
Բողոքի ակցիաների պատճառ է դարձել երկու երիտասարդների մահը: Տեղացիները կարծում են, թե դրան մեղսակից են ոստիկանները:
Ապրիլի 18-ին ոստիկանական մեքենայի եւ մոտոցիկլետի բախման հետեւանքով զոհվել է 17-ամյա երիտասարդ: Հաջորդ օրը 21-ամյա մի տեղաբնակ դարձել է ոստիկանության եւ կասկածյալների փոխհրաձգության պատահական զոհը: Բողոքի ակցիայի մասնակիցներն այրել են 4 ավտոբուս, բեռնատար եւ երկու մեքենա, հաղորդում է BBC-ն՝ վկայակոչելով Agence France-Presse-ը: