Պաշտոնական վիճակագրության տվյալների համաձայն՝ ընթացիկ տարվա առաջին եռամսյակում տնտեսական ակտիվության ցուցանիշը նախորդ տարվա նույն ժամանակահատվածի համեմատ կազմել է 103.3 տոկոս: Ընդ որում աճը ամեն ամիս աճել է եւ մարտին հասել է 104.1 տոկոսի:
Թեեւ համախառն ներքին արդյունքերը հավասար չէ տնտեսական ակտիվության ցուցանիշինի, այն բնութագրում է ոլորտների մասնակցության մակարդակը տնտեսության զարգացմանը: Հասկանալի պատճառներով՝ տարվա առաջին ամիսներին ՀՆԱ-ի վրա գյուղատնտեսության եւ շինարարության ազդեցությունը նվազագույնն է:
Արդյունաբերության ֆիզիկական ծավալը հաշվետու ժամանակում կազմել է 2.8 տոկոս: Ընթացիկ տարվա հունվար-փետրվար ամիսների տեղելություններով՝ երկրում «շաքարի արտադրությունը» բացակայել է, թեեւ այն մեծ ծավալով առկա է նախորդ տարվա նույն ամիսների հաշվետվություններում:
Անցյալ տարվա տվյալների համաձայն՝ գյուղատնտեսության մասնաբաժինը ՀՆԱ-ում առաջին եռամսյակում կազմել է ընդամենը 6.9 տոկոս(երրորդ եռամսյակում՝ 30.8 տոկոս), իսկ շինարարությանը՝ 5,5 տոկոս (չորրորդ եռամսյակում՝ 13.6 տոկոս): Հետեւաբար, թեեւ գյուղատնտեսության համախառն արտադրանքի ծավալն ավելացրել է առաջին եռամսյակում 5.2 տոկոսով, ազդեցությունն ընդհանուր ցուցանիշի վրա չէր նկատվում:
Շինարարության բնագավառում գրանցվել է 0.7 տոկոս աճ: Հիշեցնենք, որ անցյալ տարվա առաջին եռամսյակում բնագավառում 6.5 տոկոսի անկում էր նկատվել: Արդյունքում հաշվետու ժամանակահատվածում շինարարական աշխատանքների ֆիզիկական ծավալը կազմել է 94.2 տոկոս:
Ընթացիկ տարվա հունվար-մարտ ամիսներին արտաքին առեւտրաշրջանառության բացասական մնացորդը կազմել է 10.1 մլն դոլար: Նշենք, որ ներկրման անկումը հունվար եւ փետրվարի ամիսներին փոխարինվել է 13.7 տոկոս աճով:
Դատելով պաշտոնական տվյալներից՝ հաշվետու ժամանակահատվածում միջին ամսական նվազագույն աշխատավարձն ըստ աճի տեմպերի առաջ է անցել գնաճից 2.0 տոկոսային կետով: Սակայն եթե դուրս հանենք 5 տոկոս պարտադիր կուտակային կենսաթոշակային վճարումները, ապա հակառակ համահարաբերակցությունը կունենանք՝ գնաճը 3.0 տոկոսային կետով կգերազանցի: