Հայաստանի նախագահ Սերժ Սարգսյանն այսօր՝ ապրիլի 25-ին, շնորհավորական ուղերձ է հղել Հայաստանի Հանրապետության արվեստի վաստակավոր գործիչ, կոմպոզիտոր Վլադիլեն Բալյանին՝ ծննդյան օրվա կապակցությամբ:
Շնորհավորական ուղերձում ասվում է.
«Հարգելի պարոն Բալյան,
Սրտանց շնորհավորում եմ Ձեզ ծննդյան 90-րդ տարեդարձի կապակցությամբ:
Դուք մեծ ավանդ ունեք հայ երաժշտարվեստի հանրահռչակման եւ զարգացման գործում: Ձեր հեղինակած երգերը մեծ ժողովրդականություն են վայելում: Անուրանալի է նաեւ երաժշտական կյանքի հմուտ կազմակերպչի եւ մանկավարժի Ձեր վաստակը:
Մաղթում եմ Ձեզ առողջություն, երջանիկ կյանք եւ ամենայն բարիք»: