Բրազիլիայի 16-ամյա բնակիչ Մարսել Ֆերնանդեսը SMS գրելու արագության ռեկորդ է սահմանել: Ըստ լրատվամիջոցների՝ մայիսի 15-ին նրա ռեկորդը գրանցվել է Գինեսի գրքում:
Մրցույթի մասնակիցները, որը կայացել էր նախորդ ամիս Նյու Յորքում, պետք է անգլերեն հավաքեին հետեւյալ տեքստը՝ «The razor-toothed piranhas of the genera Serrasalmus and Pygocentrus are the most ferocious freshwater fish in the world. In reality they seldom attack a human»: Ֆերնանդեսը դա արել է 18,19 վայրկյանում: Նախորդ ռեկորդը 18,44 վայրկյանն էր:
Դեռահասը պատմել է, որ հաղորդագրություններ հավաքելու իր շնորհքը զարգացրել է նոութբուքը կոտրելուց հետո, քանի որ նորը գնելու հնարավորություն չի ունեցել ու ստիպված է եղել օգտվել բացառապես սմարթֆոնից:
