Ռուսաստանի Բրատսկ քաղաքում արտակարգ վայրէջք կատարած օդանավի ուղեւորուհին խեղդվել է բլիթ ուտելիս:
Փոխանցվում է, որ S7 ավիաընկերության Նովոսիբիրսկ-Խաբարովսկ չվերթի А320 օդանավի 65-ամյա ուղեւորուհին սկսել է խեղդվել՝ բլիթը շնչափողն ընկնելու պատճառով: Անձնակազմը որոշել է արտակարգ վայրէջք կատարել Բրատսկում: Ժամանած բժիշկները արձանագրել են կնոջ մահը, փոխանցում է «Ինտերֆաքսը»:
Դատաբժշկական փորձաքննությունը հաստատել է, որ կինը մահացել է ասֆիքսիայից: Քրեական գործ չի հարուցվել, քանի որ մահը վրա է հասել բնական պատճառներով: