Հայաստանից արտագաղթում են ոչ թե անապահովները, այլ միջին խավը, հուլիսի 10-ի մամուլի ասեուլիսում հայտարարել է «Սոցիոմետր» սոցիոլոգիական կենտրոնի ղեկավար Ահարոն Ադիբեկյանը՝ վերլուծելով հանրապետության մարզերում անցկացված հարցման արդյունքները:
«Որպես օրինակ կարելի է բերել Վայոց ձորի մարզը, որտեղ դիտվում է գործազրկության ընդունելի մակարդակ: Սակայն արտագաղթի մակարդակը բավական բարձր է, որը վկայում է, որ հանրապետությունից հեռանում են ոչ թե նրանք, ովքեր չեն կարողանում աշխատանք գտնել կամ լուծել իրենց ֆինանսական խնդիրները, այլ նրանք, ովքեր ի վիճակի են դա անել, սակայն վերջնական արդյունքն այս կամ այն պատճառով նրաենց ձեռնտու չէ», - ընդգծել է սոցիոլոգը, հավելելով, որ օտար երկրում լավ կյանքի որոնումների համար փող է հարկավոր, որն աղքատները չունեն:
Նշենք, որ ըստ հարցման, հանրապետության ամենաբարեկեցիկ մարզերն են Գեղարքունիքը, Սյունիքը եւ Արմավիրը: Հարցումն անցկացվել է այս տարվա ապրիլ-մայիս ամիսներին: Հարցմանը մասնակցել է ՀՀ 5000 քաղաքացի: