Այս ամառ շվեյցարական աշխարհահռչակ Victorinox ապրանքանիշի դանակները նշում են ստեղծման 130-ամյակը:
Հոբելյանի առիթով Le Matin հրատարակությունը որոշել է ներկայացնել Շվից կանտոնի Իբախ բնակավայրում տեղակայված ձեռնարկության հաջողության պատմությունը:
Այստեղ արտադրանքի կատարելությանը հասնում են ոչ միայն քրտնաջան աշխատանքով, այլեւ ուշադրության առավելագույն կենտրոնացմամբ: Յուրաքանչյուր արտադրանք չափազանց սուր է եւ խնամքով կիրառություն է պահանջում:
Բացի ամբողջ աշխարհում հայտնի դանակներից, այստեղ նաեւ ատամմաքրիչներ են արտադրում, որին ավելացվում է խցանահանը:
Սակայն հպարտության հատուկ առարկան դանակներն են: Դրանց չափսերն ու ձեւերը տարբեր են: Որոշ նմուշներ կարելի է ափի մեջ տեղավորել: Ընդհանուր առմամբ, գործարանը 700 աշխատող ունի:
Նրանցից յուրաքանչյուրը հստակ եւ ուշադիր է կատարում պարտականությունը: Արդյունքում ամեն օր գործարանը 12.000 դանակ է արտադրում: Euromag-ի փոխանցմամբ, յուրաքանչյուրն անցնում է որակի վերահսկողության համակարգով: