Համակարգչային մասնագետները ծրագիր են մշակել, որը կարող է երգի միջոցով որոշել թռչնի տեսակը: Այս մասին գրում են PeerJ ամսագրի հոդվածի հեղինակները: Հնչյունների հսկայական բազայից (British Library Sound Archive) ծրագիրն ընտրում է թռչունների երգերը եւ որոշում, թե որ տեսակի թեւավորին է պատկանում երգը:
Ծրագրավորողները դրանում ալգորիթմ են տեղադրել, որը սովորաբար օգտագործվում է համակարգչին ինչ-որ բան սովորեցնելու համար, եւ թռչնաբաններին հայտնի բոլոր թռչունների երգերի տվյալները:
Մասնագետներն ընդգծում են, որ թռչունների երգն ընդհանուր գծեր ունի մարդկային խոսքի հետ, մասնավորապես, ուսուցման դեպքում այն փոխվում է: Այդ պատճառով էլ այն ուսումնասիրության հետաքրքիր առարկա է:
Ըստ Газета.Ру-ի, ավտոմատ համակարգն անհրաժեշտ է թռչուններին ուսումնասիրելու ժամանակ՝ դրանց տեսակն ու որոշակի տարածքում թռչունների թիվը որոշելու համար:
