ԱՄՆ նախագահ Բարաք Օբաման Գերմանիայի կանցլեր Անգելա Մերկելի եւ Բրիտանիայի վարչապետ Դեյվիդ Քեմերոնի հետ հեռախոսազրույցներում առաջարկել է նոր պատժամիջոցներ կիրառել ՌԴ-ի դեմ, եթե չհաջողվի առաջ շարժվել Ուկրաինայի իրավիճակի հետ կապված հարցում, փոխանցում է Reuters-ը:
«Ռուսաստանն, անկասկած, պատասխանատվություն է կրում այն հերքման համար, թե Ուկրաինայի արեւելքում անջատականները շարունակում են աջակցություն ստանալ Ռուսաստանից», - ասվում է հաղորդագրությունում, փոխանցում է Gazeta.ru-ն:
Բացի դրանից, պետությունների ղեկավարները պատրաստակամություն են հայտնել հետագա գործողությունների դիմել, եթե Ռուսաստանը չկարողանա միջոցներ ձեռնարկել Ուկրաինայի կոնֆլիկտը լուծելու համար:
Ավելի վաղ Բարաք Օբաման Ռուսաստանից պահանջել էր դադարեցնել աջակցել Ուկրաինայի արեւելքի անջատականներին` մալայզիական օդանավի վթարից հետո:
