Հայաստանի իշխանությունները չպետք է երես թեքեն Լեւոն Հայրապետյանից, հուլիսի 19-ին լրագրողներին հայտնել է «Ժառանգություն» կուսակցության անդամ, Երեւանի ավագանու «Բարեւ, Երեւան» խմբակցության անդամ Դավիթ Սանասարյանը՝ մեկնաբանելով ռուսաստանցի հայ գործարար Լեւոն Հայրապետյանի կալանավորումը։ Անհասկանալի է, թե ինչու են իշխանությունները ակնարկում, որ Հայրապետյանը հանցանք է գործել, երբ դա դեռ ապացուցված չէ, նշել է նա եւ հիշեցրել, որ Արցախի Վանք գյուղի բնակիչները, որը գործարարի հայրենի գյուղն է, նրա պաշտպանության համար հավաքական նամակ են ներկայացրել։ «Վստահ եմ՝ այդկերպ պետք է վարվեն բոլոր հայերը, այդ թվում՝ Ղարաբաղի սահմաններից դուրս։ Նա այն եզակի հարուստ մարդկանցից է, որոնց մասին երբեք ոչ մի վատ բան չեմ լսել։ Բացի այդ, նա հայտնի է Ղարաբաղի բանակին եւ տնտեսությանը ցուցաբերած մշտական ուշադրությամբ։
Ի պաշտպանություն նրա ձայն բարձրացնելը մեր արժանապատվության հարցն է։ Քաղաքական դրդապատճառներով հետապնդումները՝ իրավականի քողի տակ, անթույլատրելի են։
Հիշեցնենք, ռուսաստանցի հայ միլիարդատեր Լեւոն Հայրապետյանը ձերբակալվել էր հուլիսի 15-ին՝ փողերի լվացման մեղադրանքով։
