Ուկրաինայի մայրաքաղաք Կիեւի քաղաքապետ Վիտալի Կլիչկոն հայտարարել է քաղաքացիական պաշտպանության շտաբ ստեղծելու մասին՝ բնակիչներին կոչ անելով սադրանքների չտրվել:
«Հաշվի առնելով ամբողջ Ուկրաինայի տարածքում դիվերսիոն խմբերի, ինչպես նաեւ քաղաքական որոշ գործիչների հինգերորդ շարասյան մասին տեղեկությունները, ովքեր ձգտում են ապակայունացնել երկրում իրավիճակը, ես դիմում են մայրաքաղաքի բնակիչներին՝ կոչ անելով ուշադիր լինել եւ լրջորեն վերաբերվել սեփական եւ իրենց շրջապատում գտնվողների անվտանգությանը»,- ասել է քաղաքապետը:
Նրա խոսքով, Կիեւում քաղաքացիական պաշտպանության շտաբ է ստեղծվել՝ բոլոր ծառայությունների համակարգման եւ արագ արձագանքման նպատակով:
«Այսօր ես ուժային բոլոր մարմինների, մայրաքաղաքի հաղորդակցության ձեռնարկությունների եւ Կիեւի պետական քաղաքային վարչակազմի ղեկավարների նիստ եմ անցկացրել: Նրանց առջեւ խնդիր եմ դրել տարբեր իրավիճակներում աշխատանքի սխեմա մշակել»,- քաղաքապետի խոսքերն է մերբերում УНИАН-ը:
Ավելի վաղ Կիեւի ոստիկանություն ականապատման մասին 7 կեղծ հաղորդագրություն է ստացվել:
