Իշխանական պատգամավորներին նախիրի պես քշեցին քվեարկել Սեւանի վախճանի համար: Այդ մասին այսօր՝ հուլիսի 21-ին, լրագրողներին հայտարարեց բնապահպան ակտիվիստ Արթուր Գրիգորյանը՝ մեկնաբանելով հունիսին ընդունված Սեւանա լճից ջրի բաց թողնման ծավալների մեծացման մասին օրինագիծը:
Մինչ այդ, ապրիլին, օրինագծի շուրջ բաց քննարկումներ էին անցկացվում, որոնցում հայտարարվում էր ջր բաց թողնման ծավալների մեծացման վնասի մասին: «Այդ ժամանակ կառավարությունը հայտարարում էր, որ միջոցառումը արտակարգ է, պետք է փրկել գյուղատնտեսությունը երաշտից. իբրեւ թե չեն բավականացնում գետերի եւ արտեզյան ջրերը: Սակայն երբ օրենքն ընդունեցին, Կառավարությունը անմիջապես բացեց արտեզյան հորատանցքները իր հաշվեկշռում՝ ոռոգման կարիքների համար: Ո՞վ կբացատրի այս ամենը», հարցրեց Գրիգորյանը:
Նրա խոսքով՝ թեեւ սկզբնապես ասվում էր տարեկան ջրի բաց թողումը մինչեւ 240 մլն խ.մ. բարձրացման մասին, սակայն վերջում ծավալն ավելացրին մինչեւ 270 մլն: «Ընդ որում, օրենքը խցկեցին մեկ օրվա ընթացքում, իշխանության պատգամավորները սեղմեցին կոճակները, ինչպես ձեռնածուներ, առանց հասկանալու՝ ինչի համար են քվեարկում», - ընդգծեց բնապահպանը: Նրա կարծիքով, լճի նկատմամբ այսպիսի հանցավոր վերաբեմունքը կարող է ունենալ մի քանի պատճառ: Նրանցից մեկը՝ փրկել խորտակման վտանգի առաջ հայտնված օլիգարխների ափամերձ «էլիտար» տները: