Վրաստանի նախկին նախագահ Միխայիլ Սահակաշվիլին հրաժարվել է հավատալ իր համախոհ եւ ՌԴ-ում Վրաստանի նախկին դեսպան Կիցմարիշվիլիի ինքնասպանությունը: Այդ մասին նա գրառել է իր ֆեյսբուքյան էջում:
«Նա մշտապես նոր նախագծեր էր սկսում եւ իր ապագայի վերաբերյալ միշտ լավատեսական տրամադրվածություն ուներ: Կիցմարիշվիլիի պլանավորած վերջին նոր նախագիծը կապված էր «Ռուսթավի 2» հեռուստաալիքում նոր ծրագիր վարելու հետ», - նշել է Սահակաշվիլին:
Կիցմարիշվիլիի ինքնասպանության վարկածին չեն հավատացել նաեւ հարազատները: Մասնավորապես Վրաստանի անվտանգության խորհրդի նախկին քարտուղարի կինը՝ լրագրողի Թամար Չորգոեիշվիլին կասկածելի է համարել, որ Կիցմարիշվիլիի մահը համընկել է տեղական ընտրություններից հետո «Ռուսթավի-2» հեռուստաալիքը իր հիմնադրին վերադարձնելու փոխվարչապետ Կախա Կալաձեի հայտարարության հետ:
Հիշեցնենք, որ հուլիսի 15-ի Էրոսի Կիցմարիշվիլիին իր մեքենայում սպանված են հայտնաբերել՝ ատրճանակը կողքին: