ԱՄՆ-ի նախագահ Բարաք Օբաման դիմել է Ռուսաստանի նախագահ Վլադիմիր Պուտինին՝ կոչ անելով որոշակի քայլեր ձեռնարկել կապված «Boeing 777»-ի ավիավթարի հետ Ուկրաինայի արեւելքում եւ օգտագործել իր ազդեցությունն աշխարհազորայինների նկատմամբ, որպեսզի նրանք միջազգային փորձագետներին վթարի վայր մուտք ունենալու հնարավորություն տան, հաղորդում է «Gazeta.ru»-ն:
«Պարոն Պուտինը բազմիցս հայտարարում էր անհրաժեշտության մասին՝ որքան հնարավոր է շուտ հետաքննել «Boeing»-ի վթարի հանգամանքները եւ առավելագույն հստակությամբ պարզել ողբերգության պատճառները: Ես հարգում եմ այս տեսակետը, սակայն ռուսական կողմից որոշակի գործողություններ եմ սպասում»,- պարզաբանել է Օբաման՝ հավելելով, որ ռուսական իշխանությունները պետք է հրաժարվեն Ուկրաինայի հարցում որդեգրած ռազմավարությունից:
Ավելի վաղ Ուկրաինայի փոխվարչապետ Վլադիմիր Գրոյսմանը հայտարարել է, որ մալազիական «Boeing 777»-ի վթարի հետեւանքով զոհերի մարմինների որոնողական աշխատանքներն ավարտվել են:
