Yahoo ընկերությունը գնել է Flurry-ն, որը բջջային սարքավորումներում հավելվածների օգտագործման եւ գովազդի վերլուծության խոշորագույն ծառայություններից է: Հարթակը, որն օգտագործում են աշխարհի ավելի քան 170 հազար մասնագետներ, ամերիկյան ինտերնետ-կոնցեռնի համար կարեւոր վիճակագրություն է բացահայտելու: Օրինակ՝ ինչիպիսի հավելվածներ են նախընտրում օգտատերերը, որքան ժամանակ են նրանք ծախսում դրանցում, որ գովազդն են դիտում:

Ընկերության վիճակագրությունն ավելի քան 1.4 մլրդ սարքավորում է ներառում: Հայտարարելով գործարքի մասին՝ Yahoo-ն պարտավորվել է շարունակել աջակցել եւ ընդլայնել կողմնակի մշակող-մասնագետների ծառայություններին, որոնք օգտագործում են Flurry-ի վերլուծությունը՝ սեփական հավելվածները բարելավելու համար: Այս մասին գրում է Vesti.ru-ն:

Բջջային գովազդից Yahoo-ի շահույթը, որը 2011 թվականին գլխավոր տնօրեն Մարիսսա Մայերի ժամանելուց հետո շեշտը դնում է սմարթֆոնների վրա, նախկինի նման շատ քիչ է: Flurry-ն ձեռք բերելու արդյունքում ընկերությունը կկարողանա իմանալ, թե ինչպես կարելի է վաճառել հայտարարությունները: Գործարքի արժեքը պաշտոնապես չի հրապարակվել: The New York Times պարբերականի տեղեկություններով, Yahoo-ն Flurry-ի համար շուրջ 300 մլն դոլար է վճարել: