Հայաստանում ուսանողների աջակցության ծավալների մեծացումը նպատակահարմար չէ: Այդ մասին հուլիսի 24-ի կառավարության նիստին հայտարարել է կրթության եւ գիտության նախարար Արմեն Աշոտյանը՝ ներկայացնելով «Օրինաց երկիր» խմբակցության պատգամավորների կողմից առաջարկված օրինագծերի փաթեթի վերաբերյալ եզրակացությունը:
Օրինագծերում առաջարկվում է ընդլայնել բարձրագույն եւ միջնակարգ ուսումնական հաստատությունների ուսանողների աջակցությունը, այդ թվում՝ առեւտրային բանկերից ուսման վարկերի գծով տոկոսաների վճարման փոխհատուցում: Ինչպես նշվում է կառավարության եզրակացության մեջ, դրա համար լրացուցիչ միջոցներ նախատեսված չեն: Եւս մեկ առաջարկություն՝ ուսման վարկերի համար առավելագույն տոկոսի սահմանումը կրկին հավանության չի արժանացել կառավարության կողմից՝ համարվելով շուկայի կանոնների հակասում: