Հայաստանի էկոնոմիկայի նախարար Կարեն Ճշմարիտյանը «Նաիրիտ» գործարանում «Ռոսնեֆթի» ընկերության կողմից ներդրումների կատարելու վերաբերյալ մասնակի հույս է հաղորդել: Հարցին՝ ներդրումները արդյոք դեռ ընկերության օրակարգո՞ւմ են, Ճշմարիտյանը հայտարարեց. «Համենայն դեպս, նոր տեղեկություններ կամ հայտարարություններ դեռ չեն հնչել»: Նրա խոսքով՝ ինքը ամենօրյա կապի մեջ չէ «Ռոսնեֆթի» ներկայացուցիչների հետ:
Ավելի վաղ, հաղորդվել էր, որ ռուսական «Ռոսնեֆթ» ԲԲԸ պետական ձեռնարկությունը ուսումնասիրում է Հայաստանում սինթետիկ կաուչուկի արտադրությունում 500 մլն դոլար ներդրումներ կատարելու հնարավորությունը, հավանաբար խորհրդային ժամանակներում կաուչոուկ արտադրող միակ «Նաիրիտ» գործարանի հիմքի վրա:
