Հայաստանի վարչապետ Հովիկ Աբրահամյանը հանձնարարել է էներգետիկայի նախարարին հանդիպել Եվրոպայի հայկական միությունների ֆորումի նախագահ Աշոտ Գրիգորյանի հետ եւ քննարկել «Նաիրիտ»-ի հարցը։ Այս մասին այսօր՝ հուլիսի 24-ին, ՀՀԿ ԳՄ նիստից առաջ լրագրողների հետ զրույցում ասաց Հովիկ Աբրահամյանը։
«Ես հանձնարարել եմ էներգետիկայի նախարարին, որ պայմանավորվեն, հանդիպեն, ես յուրաքանչյուր ներդրողի համար ուրախ եմ, ողջունում եմ, որ Հայաստանում իրականացնում են ներդրումներ, դա մեզ համար շատ կարեւոր է մեր պետության տնտեսության զարգացման համար»,- ասաց նա։
Այլ հարցերի Հովիկ Աբրահամյանը չպատասխանեց։ Նա նույնիսկ չլսեց կառավարության մոտ հավաքված կանանց խնդիրները։
Նշենք, որ Աշոտ Գրիգորյանը պնդում է, որ ինքը արտասահմանցի ներդրողներ է հրավիրել Հայաստան, սակայն Հովիկ Աբրահամյանը հրաժարվում է հանդիպել նրանց հետ։