ՄԱԿ-ի մարդկային ներուժի զարգացման ինդեքսում Նորվեգիան 187 երկրների շարքում առաջատարն է: Համապատասխան զեկույցը նախօրեին հրապարակել է ՄԱԿ-ը:
Զեկույցի սկիզբը նախորդ տարվանից չի տարբերվում: Առաջին հնգյակում են Նորվեգիան, Ավստրալիան, Շվեյցարիան, Նիդեռլանդներն ու ԱՄՆ-ն:
Առաջին 49 տեղերում զարգացման շատ բարձր մակարդակով երկրներն են:
Հայաստանի դիրքն այս տարի չի փոխվել, երկիրը 87-րդ տեղում է:
Ռուսաստանը զբաղեցնում է 57-րդ տեղը, Թուրքիան` 69-րդ, Իրանը` 75-րդ, Ադրբեջանը` 76-րդ, Վրաստանը զբաղեցրել է 79-րդ տեղը:
Նշենք, որ, ՄԱԿ-ի մարդկային ներուժի զարգացման ծրագրերի (UNDP) ցուցանիշը (HDI) հիմնված է մեկ շնչի հաշվով համախառն ներքին արդյունքի, կրթության եւ կյանքի կանխատեսելի տեւողության վրա: Ըստզեկույցի` զարգացումն ամբողջ աշխարհում դանդաղել է եւ շարունակում է շատ անհամաչափ մնալ:
Վերջին հնգյակում են Սիերա-Լեոնեն, Չադը, ԿԱՀ-ը, Կոնգոյի Դեմոկրատական Հանրապետությունը եւ Նիգերը:
