Ուկրաինա-մոլդովական սահմանի մերձդնեստրյան հատվածում 450 կմ երկարությամբ խրամատների կառուցման աշխատանքներ են սկսվել, հաղորդում է «Ուկրինֆորմ» գործակալությունը:
Լրատվամիջոցների տվյալներով՝ սահմանի պաշտպանության ինժեներական ամրացման աշխատանքները տարվում են ծանր տեխնիկայի եւ մաքսանենգ բեռների տեղափոխման արգելափակման համար:
Հաղորդում են, որ խրամատի լայնությունը կկազմի 3,5 մետր, խորությունը՝ 2-3 մետր: Խրամատը շաբաթական միջինը 2,5 կմ-ով «ավելանում է»:
Ուկրաինայի պետական սահմանապահ ծառայության Հարավային շրջանային վարչության մամուլի ծառայության ներկայացուցիչ Ալեքսանդր Յակովենկոն գործակալությանը հաղորդել է, որ առաջին 5 կմ-ն արդեն պատրաստ է: Նա նաեւ նշել է, որ աշխատանքները շուրջօրյա են:
Ուկրաինայի եւ Մոլդովայի սահմանի երկարությունը կազմում է 1018 կմ, այդ թվում ավելի քան 450 կմ-ը բաժանում է Ուկրաինան Մերձդնեստրյան մոլդովական Հանրապետությունից: