ՌԴ ԱԳ նախարար Սերգեյ Լավրովն ԱՄՆ պետքարտուղար Ջոն Քերրիի հետ հեռախոսազրույցում խնդրել է իր ենթականերին հանձնարարել՝ չխոչընդոտել Ուկրաինայի հետ սահմանային «Գուկովո» եւ «Դոնեցկ» անցակետերում ԵԱՀԿ դիտորդների աշխատանքին: Այս մասին տեղեկանում ենք ՌԴ ԱԳՆ պաշտոնական կայքից:
Հաղորդվում է նաեւ, որ Լավրովն ու Քերրին ընդգծել են Ուկրաինայում անհապաղ հրադադարի անհրաժեշտությունը:
«Արտաքին քաղաքական գերատեսչությունների ղեկավարները համաձայնել են, որ չնայած մոտեցումների տարբերություններին՝ հարկավոր է անհապաղ հասնել ներուկրաինական կոնֆլիկտի գոտում հրադադարի հաստատման եւ հակամարտող ուժերի միջեւ բանակցությունների մեկնարկին»,- ասվում է հաղորդագրությունում: