Կարագանդայում հավատարիմ շունը սեփական կյանքի գնով փրկել է տիրոջը:
Ինչպես հաղորդում է «Info- ՑԵՍ»-ը, վկայակոչելով ՆԳ Վարչության ոստիկանական բաժանմունքի քննիչ Աիդա Մուլդաշեւայինմ շան տերը քնել էր անմիջապես երկաթուղային հարթակի վրա՝ լինելով ոչ սթափ վիճակում: Նա որոշել էր ինքնասպան լինել եւ այդ պատճառով նախքան ռելսերի վրա պառկելը, մեկ շիշ օղի էր խմել, հավանաբար, մտածածն իրագործելու համար:
Ժանա-Կարագանդա – Կարագանդա-Պասաժիրսկայա ուղերթի 720-րդ կիլոմետրի վրա մեքենավարը շուն նկատել է եւ արտակարգ արգելակում է կատարել: Երբ շունը տեսել է մոտեցող գնացքը, նա սկսել է տիրոջը հետ քաշել: Քանի որ արգելակման ուղին երկար է, նա փրկել է տիրոջը, սակայն ինքը չի հասցրել հետ քաշել հետեւի թաթերը: Կենդանին տեղում սատկել է:
Հարբած տղամարդուն շտապօգնության մեքենայով տեղափոխել են երկաթգծի հիվանդանոց: Այստեղ էլ պարզվել է նրա անձը՝ 48-ամյա գործազուրկ, Մայկուդուկի բնակիչ: Լսելով, թե ինչպես է փրկվել, նա արտասվել է, խոստացել թողնել խմելն ու նոր կյանք սկսել: