«Kuwait Airways» ավիաընկերության օդանավը՝ 200 ուղեւորներով, հուլիսի 28-ին արտակարգ վայրէջք է կատարել Բրյուսելի օդանավակայանում, հաղորդում է «Agence France-Presse»-ը՝ վկայակոչելով «Belgian news»-ին:
Քուվեյթ-Լոնդոն չվերթն իրականացնող «Airbus 300» օդանավի անձնակազմը վայրէջքի թույլտվություն է խնդրել անմիջապես այն բանից հետո, երբ օդաչուները հայտնել են իրենց խցիկում առկա ծխի մասին, հաղորդում է օդանավակայանի ներկայացուցիչ Ֆլորանս Մուլսը:
«Վայրէջքը տեղի է ունեցել առանց միջադեպերի: Ուղեւորներից ոչ ոք չի տուժել: Այս պահին վթարային խումբը փորձում է պարզել, թե ինչն է ծխի գոյացման պատճառը»,- հավելել է Մուլսը:
