Ճապոնիայի կողմից Ռուսաստանի դեմ լրացուցիչ պատժամիջոցների հայտարարումը վնասում են երկկողմ հարաբերություններին եւ հետ շպրտում դրանք, հայտարարել է Ռուսաստանի արգործնախարարությունը:
«Հուլիսի 28-ին Ճապոնիայի կողմից հայտարարված Ռուսաստանի նկատմամբ այսպես կոչված լրացուցիչ պատժամիջոցային միջոցառումները գնահատում ենք որպես ոչ բարեկամական եւ անհեռատես քայլ՝ հիմնված Ուկրաինայում կատարվածի իրական պատճառների խորապես սխալ պատկերացումների վրա», - ասվում է ՌԴ արգործնախարարության մեկնաբանությունում:
Իր հայտարարության մեջ ՌԴ արտգործնախարարը նաեւ ընդգծել է, որ տվյալ իրավիճակում Տոկիոն գործում է ԱՄՆ թելադրանքով:
«Ճապոնական դեմարշը վկայում է, որ Ռուսաստանի հետ հարաբերությունների զարգացման շուրջ ջանքերի ուժեղացման մտադրութան մասին Տոկիոյի կողմից բազմաթիվ անգամներ հնչեցրած հավաստիացումները միայն վարագույր են, որը ծածկում է ճապոնացի քաղաքական գործիչների՝ Վաշինգթոնի նավահետքին հետեւելը դադարելու եւ իր երկրի արմատական ազգային շահերից բխող ինքնորության ուղի վերցնելու անընդունակությունը», - հայտարարել են ՌԴ ԱԳՆ-ում: