Առաջիկա օրերին Facebook-ը IOS, Android եւ Windows Phone հարթակների համար նախատեսված բջջային հավելվածներից հեռացնելու է chat-ը: Այս մասին տեղեկացնում է TechCrunch-ը:
Այն օգտատերերը, ովքեր կցանկանան անմիջականորեն շփվել Facebook-ի իրենց ընկերների հետ, պետք է Facebook Messenger հավելվածը ներբեռնեն:
Ընկերությունում կարծում են, որ այն դրական կանդրադառնա բջջային հավելվածի օգտագործման հարմարավետության վրա:
Ամեն օր Facebook-ի օգտատերերը 12 մլրդ հաղորդագրություն են ուղարկում: Հավելենք, որ Facebook-ն առաջին սոցիալական կայքը չէ, որ իր բջջային հաճախորդներին երկու մասի է բաժանում: Ավելի վաղ Foursquare-ն իր բջջային հաճախորդներին բաժանել էր Foursquare եւ Swarm հավելվածների միջեւ:
