Ամերիկացի սենատորները իրենց հիասթափությունն են արտահայտել Վրաստանի նախկին նախագահ Միխայիլ Սահակաշվիլիին քրեական պատասխանատվության ներգրավելու փաստով: Այդ մասին ասվում է ԱՄՆ սենատի պաշտոնական կայքում տեղադրված սենատորների հայտարարության մեջ:
Սենատորներ Ջոն Մաքեյնը, Բեն Քարդին, Ջին Շայնը եւ Ջիմ Ռիշը արձագանքել են նախկին նախագահի եւ կառավարության մի շարք առաջնորդների նկատմամբ Գլխավոր դատախազության կողմից քրեական հետապնդման փաստին:
«Մենք ծայրահեղորեն հիասթափված եւ անհանսգտացած ենք նախկին նախագահի եւ կառավարության մի շարք առաջնորդների նկատմամբ Գլխավոր դատախազության կողմից քրեական հետապնդման գործով:
Նախագահ Սահակաշվիլին եւ նրա կառավարությունը անբասիր չեն եղել, ցանկացած ժողովրդավարության համար կարեւոր է իր օրենքների պաշտպանությունը, սակայն իրավական հետապնդումը չպետք է վերածվի քաղաքական զենքի եւ ազգային պառակտման աղբյուր հանդիսանա հատկապես այն ժամանակ, երբ Վրաստանը ծանր մարտահրավերների առաջ է կանգնած», - ասվում է հայտարարության մեջ: