Ճապոնիան եւ ԱՄՆ-ն արդեն այս աշնանը սկսելու են աշխարհի ամենամեծ աստղադիտակի կառուցումը: Համատեղ նախագծի հիմնարկեքի արարողությունը Հավայան կղզիներում կայանալու է հոկտեմբերին:
Շինարարությունն իրականացվելու է ծովի մակերեւույթից 4.000 մետր բարձրության վրա, հավայան Մաունա-Կեա հրաբխի գագաթին: Աստղադիտակի հսկայական հայելին մոնտաժելու են շուրջ 500 հատվածներից, իսկ տրամագիծը կազմելու է 30 մետր: ИТАР-ТАСС-ի փոխանցմամբ, սպասվում է, որ աշխատանքներն ավարտվելու են մինչեւ 2021 թվականը:
Ճապոնական կողմն իր վրա է վերցնելու ծախսերի շուրջ մեկ քառորդը, որը կազմելու է 37.5 մլրդ իրեն (367 մլն դոլար):
Հրաբխի գագաթին տեղակայված աստղադիտարանը հեռու է լինելու մեծ քաղաքներից, ինչը հնարավորություն է ընձեռելու ուսումնասիրություններ կատարել ինչպես տեսանելի, այնպես էլ ինֆրակարմիր սպեկտրում: