Ռուսաստանի նկատմամբ Եվրամիության նոր պատժամիջոցներն անխուսափելի էին: Այդ մասին, ինչպես հաղորդում է «»-ը, հայտարարել է Գերմանիայի կանցլեր Անգելա Մերկելը: Նրա խոսքով՝ այլ կերպ չէր կարող լինել Ուկրաինայում Ռուսաստանի գործողություններից հետո: Պատասխան քայլը պետք է հետեւի Մոսկվայի կողմից, հավելել է նա: « Այժմ Ռուսաստանի ղեկավարությունը պետք է որոշի, ցանկանում է արդյոք գնալ լարումը մեղմացնելու եւ համագործակցության ուղիով: ԵՄ պատժամիջոցները կարող են վերանայվել, սակայն հնարավոր են նաեւ հետագա քայլեր»,- հայտարարել է նա:
Ավելի վաղ Եվրամիությունն առաջին անգամ համաձայնեց պատժամիջոցներ տարածել ռուսական նավթային ընկերությունների, բանկերի եւ պաշտպանական ձեռնարկությունների նկատմամբ: Այդ պատժամիջոցները պետք է ավելի նշանակալի դառնան, քան նախկինում կիրառվածները՝ կապված Արեւելյան Ուկրաինայում ապստամբներին աջակցելու հետ:
Մերկելի խոսքով՝ եվրոպական առաջնորդները բազմիցս զգուշացրել են Մոսկվային, որ «Ղրիմի անեքսիան եւ Ուկրաինայի արեւելքում մշտական ապակայունացումն» անընդունելի են: