2100 տոննա ցեմենտով բեռնանավը Դանիայի ափերին՝ Լեսյո կղզուց ոչ հեռու, ծանծաղուտի մեջ է կայանել: Ռուս նավապետը ծովափնյա ծառայություններին դիմել է միջադեպից մի քանի ժամ անց միայն: Դեպքի վայր ժամանակ ոստիկանները հայտնաբերել են, որ նա ոչ սթափ վիճակում է: Այս մասին գրում է Newsru.com-ը՝ հղում կատարելով Politiken-ին:
«Քեմֆյորդ» նավը, որը, MarineTraffic ծառայության տվյալներով, նավարկում է Կիպրոսի դրոշի ներքո, Օլբորգում բեռնաթափվել եւ ուղեւորվել է դեպի Անգլիայի արեւելք:
Երբ ոստիկանները նավ են բարձրացել եւ նմուշներ վերցրել, նավապետի արյան մեջ ալկոհոլի քանակությունը գերազանցել է թույլատրելիի սահմանը: Ենթադրվում է, որ երբ նավը կայանել է ծանծաղուտում, այդ ցուցանիշը շատ ավելի բարձր է եղել:
Նշվում է, որ նավապետը ձերբակալվել է եւ տարվել Ֆրեդերիկսհավն՝ հետաքննություն անցկացնելու նպատակով: