Մոսկվան ՄԱԿ-ի ԱԽ-ին առաջարկում է բանաձեւ ընդունել, համաձայն որի Ռուսաստանը մալայզիական Boeing-777 կործանման վայրում խաղաղարար ուժեր կտեղակայի: Այդ մասին հաղորդել է ՌԴ արտգործնախարար Սերգեյ Լավրովը:
«Երբ մենք լսում ենք միջազգային փորձագետների մուտքը աղետի վայրում ապահովելու Ռուսաստանին ուղղված կոչերը, ինձ մոտ ոչ մի այլ արձագանք չի առաջանում, քան առաջարկել, որպեսզի Անվտանգության խորհուրդը բանաձեւ ընդունի: Եթե նրանք համոզված են, որ միայն Ռուսաստանը դա կարող է անել, թող բանաձեւ ընդունեն, որը Ռուսաստանին կհրավիրի իր խաղաղարար ուժերը մտցնել աղետի վայր եւ անվտանգություն ապահովել: Եթե այլ բան կիեւյան իշխանությունների հետ հնարավոր չէ անել: Սա, իհարկե, ենթադրություն է, հիմնված ներկայիս անհեթեթ իրավիճակի վրա, սակայն անհեթեթությունն էլ պետք է սահմաններ ունենա», - ասել է Լավրովը, հաղորդում է «ՌԻԱ Նովոստին»: