Ռուսաստանի, Բելառուսի եւ Ղազախստանի կազմավորած Եվրասիական տնտեսական միությունը (ԵՏՄ) բաց է ԱՊՀ մյուս երկրների համար, որոնք կիսում են եվրասիական ինտեգրման նպատակները: РИА Новости-ի փոխանցմամբ, այս մասին հուլիսի 30-ին Դուշանբեում երիտասարդ տաջիկ դիվանագետների հետ հանդիպման ժամանակ հայտարարել է ՌԴ ԱԳ նախարար Սերգեյ Լավրովը:
«Մոտ ապագայում ԵՏՄ լիիրավ անդամ կդառնա Հայաստանը, առաջընթացային փուլում են Ղրղզստանի հետ բանակցությունները: Միությունը բաց է նաեւ ԱՊՀ մյուս երկրների համար, որոնք կիսում են եվրասիական ինտեգրման նպատակներն ու սկզբունքները, առաջին հերթին՝ մեր մերձավոր հարեւանների, այդ թվում՝ Տաջիկստանի համար: Առկա փորձն արդեն հաստատում է, որ ինտեգրման գործընթացներին միանալը թույլ է տալիս ամրապնդել դրան մասնակցող պետությունների մրցակցային առավելություները, արժեքավոր խթան է հանդիսանում տնտեսության զարգացման համար, բերում է քաղաքացիների բարեկեցության բարձրացման»,- ասել է ռուսաստանցի պաշտոնյան: Սերգեյ Լավրովի խոսքով, ԱՊՀ գործընկերների հետ սերտ կապերի ամրապնդումը երկարաժամկետ հեռանկարի համար Ռուսաստանի արտաքին քաղաքականության առանցքային ռազմավական ուղղությունն է: