2008թ. ԱՄՆ նախագահական ընտրություններում հանրապետականների հիմնական թեկնածուն՝ սենատոր Ջոն Մաքքեյնը կոչ է արել Ռուսաստանին զրկել ֆուտբոլի աշխարհի առաջնությունը անցկացնելու իրավունքից Ուկրաինայի ճգնաժամի պատճառով:
«Ես կարծում եմ, որ անհրաժեշտ է, որպեսզի ՖԻՖԱ-ն վերանայի իր որոշումը: Սակայն որոշումը պետք է անմիջապես ընդգծի, որ ԱՄՆ-ի կողմից 2018թ ֆուտբոլի աշխարհի առաջնության միակողմանի բոյկոտումը ոչ մի արդյունքի չի հանգեցնի: Ես շատ լավ հիշում եմ որ Աֆղանստանում ԽՍՀՄ զորքերի ներխուժումից հետո ԱՄՆ բոյկոտել էր 1980թ. Օլիմպիադան: Դա հանրահայտ որոշում չէր, - ասել է քաղաքական գործիչը: - Սակայն եթե միջազգային հանրությունը աջակցի մեր նախաձեռնությանը, ապա ես շատ ուրախ կլինեմ»:
Նմանատիպ կարծիք է հայտնել նաեւ ամերիկյան դեմոկրատ-սենատոր Քրիս Մերֆին:
Նոր խոսքով՝ մինչեւ այս տարվա վերջ պետք է պայմանավորվել առաջնությունը անցկացնելու իրավունքից զրկելու շուրջ:
«Չի կարելի սպասել, մինչեւ Պուտինը հանգստանա: Իսկ եթե 2017-2018թթ սահմանին Ուկրաինայում կրկին ճգնաժամ սկսի՞», - հայտարարել է սենատորը, հաղորդում է «Ռոսբալտը»՝ վկայակոչելով Goal պարբերականին:
Ավելի վաղ ՌԴ-ին աշխարհի առաջնության անցկացման իրավունքից զրկելու կոչերով են հանդես եկել նաեւ Մեծ Բրիտանիան, Նիդերլանդները եւ ԳՖՀ-ը:
