Ատրճանակով զինված երկու տարեց ամերիկացիներ ներխուժել են Չիկագոյի կլինիկաներից մեկը եւ 56 տուփ վիագրա գողացել: Գողոնի ընդհանուր արժեքը գերազանցում է 2 հազար դոլարը: Այս մասին գրում է Лента.Ру-ն՝ հղում կատարելով NBC Chicago-ին:
Կատարվածն արձանագրել են տեսահսկման խցիկները: Կադրերում երեւում է, թե ինչպես են արտաքինից շուրջ 60 տարեկան երկու տղամարդիկ աշխատանքային օրվա կեսին մտնում հիվանդանոցի շենք, այնուհետեւ ատրճանակով սպառնալով՝ բժշկական կենտրոնի աշխատակիցներին ստիպում իրենց դեղամիջոց տալ:
Գողերից մեկը վերցնում է նաեւ սեղանին դրված համակարգիչը: Գողությունը տեւել է 10 րոպեից ոչ ավելի:
Քաղաքային ոստիկանությունը ներկայում փնտրում է հանցագործներին: