Հայաստանի կառավարությունը սահմանել է կուտակային կենսաթոշակային համակարգի շրջանակներում սոցիալական վճարումներից հրաժարման դիմումի տրամադրման կարգը:
Սոցիալական վճարումներից հրաժարվելու մասին դիմում կարող են ներկայացնել 1974թ.-ից հետո ծնված մասնավոր հատվածի աշխատակիցները, ինչպես նաեւ մասնավոր ձեռնարկատերերն ու նոտարները, ովքեր մասնակցել են համակարգին պարտադիր եւ մինչեւ 1974թ. հունվարի 1-ը ծնվածները՝ կամավոր հիմունքներով:
Վարձու աշխատողը թղթային եղանակով դիմումը ներկայացնում է գործատուին: Դիմումը պետք է պարունակի գործատուի անունը, դիմողի անունը եւ անձնագրի կամ նույնականացման քարտի համարը, հանրային ծառայությունների համարանիշը կամ դրա բացակայության մասին տեղեկանքի համարը:
Գործատուն ոչ ուշ, քան դիմումի ստացման ամսվա վերին աշխատանքային օրը, այդ մասին էլեկտրոնային տարբերակով հաղորդում է հարկային ծառայությանը: Ընդ որում, քաղաքացիների թղթային տարբերակով դիմումները պետք է պահվեն գործատուի մոտ:
Եթե դիմումը ստացվում է 2014թ. հուլիսին կամ օգոստոսին (2014թ. հուլիսին միչեւ հարկային ծառայությանը սոցիալական պահումների մասին հաշվարկը), ապա գործատուն այդ մասին հարկային մարմնին պետք է անհապաղ հաղորդի: Եթե դիմումը ներկայացվում է դեկտեմբերին, (ոչ ուշ, քան 2014թ. դեկտեմբերի 25-ը) ապա գործատուն պետք է այդ մասին հարկային մարմնին ծանուցի մինչեւ դեկտեմբերի 25-ը:
Սոցիալական վճարումներից հրաժարված մասնավոր հատվածի աշխատողները կարող են վճարումների վերականգնման դիմում գրել:
Հիշեցնենք, որ թարմացված կուտակային կենսաթոշակային համակարգը ուժի մեջ է մտել 2014թ. հուլիսի 1-ից: Սոցիալական վճարումների վերանվանված պարտադիր կուտակային վճարումները վերաբերում են միայն պետական հատվածին (բացառությամբ զինվորականների, ոստիկանների եւ փրկարարների): Մասնավոր հատվածի աշխատողները պարտադիր կարգող վճարումներ կիրականացնեն երեք տարի անց՝ 2017թ. հուլիսի 1-ից: Մինչ այդ նրան ժամանակավորապես կարող են դուրս գալ կենսաթոշակային համակարգից՝ մինչեւ 2015թ. դեկտեմբերի 25-ը համապատասխան դիմում ներկայացնելով: